Overblog Suivre ce blog
Administration Créer mon blog
14 novembre 2012 3 14 /11 /novembre /2012 19:03

                                Male        

Map veye lonbray mo, poum voye parabòl lan mou ba ou. Nou pap pile menm tè, men syèl la pa mezire. Yo dim lè solèy leve bò lakay ou son vwayel an sispan lap niche, bò lakay pam li se yon demwazèl po jòn k’ap dewoule je dou. Lanmou pa janbe dlo, lamès pa gen fontyè, map veye lè van an marasa ma ekri fòm lavi pou ou.

Lè madanm ou pa la se yon rèv lwen bondye zanmi m’, tout ryèl fèmen pòt pagen kwen pou chofe. Kaban pa repozwa, se desten maladi, pale nan fèy twonpèt pa ka fè vwa gwosi. Map veye rès silans poum pyese yon souri pou ou. Mwen kouche longè kòm, m’ap ekri jan wap chanje bò nan bèl pwojè cheri. Toupatou sou latè pwoblem lòm anjandre, gen remò do bosi, se te marèl pou dous yon tan. Kijan moun dezabiye lè maryaj ranvwaye ? pwoblèm yon tas kafe, pa yon kout peny vwazinay. Men lapli kap devwale tèt mòn anba yon tan baskile se temwayaj yon move pwosè lè rezon moun likide pou dous.

Yon tikal nan Besetriye...Novanm 2012...

Anderson Dovilas

Repost 0
Published by Anderson Dovilas - dans Pwezi
commenter cet article
13 novembre 2012 2 13 /11 /novembre /2012 01:32

Midi son ti lanp de fas

Malere travèse

San volonte

Pou Granmoun bon memwa

Nan ki mwa mizè bay konje ?

Tankou yon mo fransè

Kreyòl fransize

N’ap pwezire sou move dan

Pou entèlektyèl zanmi lasyan

Pouki moun fèt demen vid ?

Chaje konsèp k’ap donnen

Sou non moun

Mondyalizasyon se youn ladan yo

Nou se yon sèvolan san volan

Yon branch pwovèb san verite

Lè m’ powèt

Ma ekri tout pye bwa

San fèy…

 

Anderson Dovilas…

 

 

 

Repost 0
Published by Anderson Dovilas - dans Pwezi
commenter cet article
6 septembre 2012 4 06 /09 /septembre /2012 02:32

Pwel-nan-zo.jpg

 

Ak dènye rekèy sa a Anderson Dovilas pote pou nou an : « Pwèl nan zo », lalin pwezi sispann leve nan yon sèl katye, paske lektè nou yo bouke ak bouyon rechofe, refren ti bebe rechiya.

Pawòl pwèl nan zo sa a, ap vanse chimen l’, li fè wout pou tout moun jwenn yon ti moso silab. Dovilas se yon powèt djougan ki pa pote plim pou bèl lank. Li se yon powèt maton ki mitonnen fon kè nou ak mo byen banda pou bande venn lanmou nou. Li di lonè, nou di l’ respè. Nou ka menm di, Dovilas se powèt ki tann lè tout miray jeriko yon pèp fin kraze, epi li rekonstwi yo ak flit bèl mo. Li se rezilta rechèch estetik yon don lasirèn ba li.

Yves Poindujour

Décembre, 2008.   

...

Gen yon solèy 

Latè pral konnen 

Lè w souri

Gen yon zetwal 

Ki chape nan jansiv

Granm maten 

Lè souri w ap eple

Tout sans bèl mo

Anba vant lawouze

Men se pa sèlman solèy

Lalin 

Zetwal 

Ki degrennen nan fòm souri w

 

Si lakansyèl chanje po

Pou achte yon medat flè

Nan sezon lannuit

Si lanmè pèdi gou sèl

Si kleren pèdi gou kann

Si lawouze pèdi banda

Kouman l’ pral fè taye

Pou solèy leve.

 

...

 

Cheri tèt bouch ou

Pa ni prentan

Ni lete

Ni lotòn

Se yon sant manje

Midi

Kay vwazinay

Yon timoun fwonte

K’ap bay granmoun

Move repons.

 

Ed. Lagomatik, Montreal, 2009

Ed. Webversity, Chicago, 2012

 

Anderson Dovilas.

 

Repost 0
Published by Anderson Dovilas - dans Pwezi
commenter cet article

Présentation

  • : Anderson Dovilas
  • Anderson Dovilas
  • : Des âmes nues sur le soleil Mon cœur bat froid Dans un stylo Et pour hachurer la mélodie Des miracles épuisés J'écris des vers contre nature
  • Contact

Profil

  • Anderson Dovilas
  • Anderson Dovilas was born in Port-au-Prince, Haiti, July 02, 1985. This young author has published in France, In the US, and in Canada. He has attended the State University of Haiti where he studied Linguistic and a minor in Ethnology.
  • Anderson Dovilas was born in Port-au-Prince, Haiti, July 02, 1985. This young author has published in France, In the US, and in Canada. He has attended the State University of Haiti where he studied Linguistic and a minor in Ethnology.

Recherche

Archives

Catégories